陳晴係乜水？相信大家都唔知，但佢爸爸各位就一定記得 — 就係講「車毀人亡」個位港澳辦副主任陳佐洱。所以，二十九歲文壇新秀搞簽名會，可以請到查大俠，酒店巨子呂志和，國泰董事陳南碌，上海總會會長李和聲，萬友集團主席邵友保，文匯報社長張國良，電盈資探顧間徐淦等猛人來做布景板；小超人李澤楷也專誠送來花籃 － 聽講現時在惠普做經理的陳晴，有可能入電盈幫手。

正如《蝴蝶飛》所言，如果你明知眼前人會蛻蛹化蝶成為罕有的藍斑橙翼蝶，就不會當她是一條普通的蟲。猛人都深明此理的！